အခန်း (၁၀) – ဘုရားသခင်၏သားတော်များ၊ နေဖလိမ်များနှင့် စောင့်ကြည့်သူများ 

ကမ္ဘာဦးကျမ်း ၆:၁-၄ – ဘုရားသခင်၏သားတော်များ၊ နေဖလိမ်များနှင့် စပ်ယှက်သောသားသမီးများ 

သမ္မာကျမ်းစာအခြေခံ 

ကမ္ဘာဦးကျမ်း ၆:၁-၄ တွင် “ဘုရားသခင်၏သားတော်များ” (bene ha’elohim) သည် လူသားမိန်းမ များကိုယူ၍ အတူနေခဲ့ကြပြီး၊ နေဖလိမ်များ (“ရှေးခေတ်ကြီးစိုးသော သူရဲကောင်းများ၊ နာမည် ကျော်ကြားသူများ”) ကို မွေးဖွားစေခဲ့သည်ဟု ဆိုထားသည်။  bene ha’elohim “ဘုရားသခင်၏ သားတော်များ” ဟူသော စကားလုံးကို ယောဘ ၁:၆ နှင့် ယောဘ ၃၈:၇ တို့တွင် ကောင်းကင်တမန် များ အဖြစ် အဓိပ္ပါယ်ဖွင့်ဆိုထားသည့် အတိုင်း၊ ဤကျမ်းပိုဒ်သည် ကောင်းကင်တမန်များနှင့် လူသားများ၏ ပေါင်းစပ်မှုကို ရည်ညွှန်းနိုင်သည်။  ဤဖြစ်ရပ်သည် နောဧ၏ ရေလွှမ်းမိုးခြင်းဖြင့် ကမ္ဘာကိုတရားစီရင်ရန် ဘုရားသခင်၏ ဆုံးဖြတ်ချက်နှင့် တိုက်ရိုက် ဆက်စပ်နေပြီး၊ ဤပေါင်းဖော်မှု သည် လောကကို ဖောက်ပြန်ပျက်စီးစေသည့် အဓိကအကြောင်းရင်း ဖြစ်ကြောင်း ဖော်ပြသည်။ 

သမ္မာကျမ်းစာပြင်ပ အဓိပ္ပါယ်ဖွင့်ဆိုချက်များ 

ရှေးဂျူးကျမ်းများ (အထူးသဖြင့် ၁ ဧနောက်နှင့် ယုဗိလကျမ်း) တွင် ဤဖြစ်ရပ်များကို အသေးစိပ် ဖော်ပြထားသည်။ ၁ ဧနောက် ၆-၁၆ တွင် “စောင့်ကြည့်သူများ” (Watchers) ဟုခေါ်သော ကောင်းကင် တမန်အုပ်စုတစ်ခုသည် မြေကြီးပေါ်သို့ ဆင်းကာ လူသားမိန်းမများနှင့် အတူနေခဲ့ပြီး၊ တားမြစ်ထားသော အသိပညာများကို သင်ကြားပေးခဲ့သည်။ သူတို့၏ သားသမီးများဖြစ်သော နေဖလိမ်များ (ဘီလူးကြီး များ)သည် အကြမ်းဖက်မှုများပြုလုပ်ကာ မြေကြီးကို ဖျက်ဆီးခဲ့ကြသည်။ ဤစာပေများသည် နတ်ဆိုး၊ ဝိညာဉ်များ၏ မူလအစ နှင့် အစောပိုင်းဂျူးနှင့် ခရစ်ယာန်နတ်ဆိုး ဝါဒကို လွှမ်းမိုးခဲ့ပြီး၊ “စောင့်ကြည့် သူများ” ကို နတ်ဆိုးများ၏ အရင်းအမြစ်အဖြစ် ဖော်ပြခဲ့သည်။ 

ဘာသာရေးဆိုင်ရာ အဓိပ္ပါယ်သက်ရောက်မှု 

ဤဖြစ်ရပ်သည် ဝိညာဉ်ရေးနှင့် လူသားလောကကြား ဘုရားသခင်ချမှတ်ထားသော နယ်နိမိတ်ကို ချိုးဖောက်ခြင်းဖြစ်ကြောင်း ဖော်ပြသည်။ ဤပေါင်းစပ်မွေးဖွားလာသော သတ္တဝါများသည် စာရိတ္တ ပျက်စီးခြင်းသာမက၊ ဖန်ဆင်းခြင်းအစီအစဉ်ကို လုံးဝဖျက်ဆီးသည့် ရုပ်ပိုင်းဆိုင်ရာ အကြမ်းဖက်မှုများ ကိုပါ ကိုယ်စားပြုသည်။ ဤဇာတ်လမ်းသည် ရေလွှမ်းမိုးခြင်းဖြင့် ဘုရားသခင်၏ တရားစီရင်မှုကို ဖိတ်ခေါ်ခဲ့သည့် လောက၏အဆိုးရွားဆုံး ဖောက်ပြန်မှုကို ရောင်ပြန်ဟပ်သည်။ 

ဓမ္မဟောင်းနှင့် ဓမ္မသစ်ကြားကာလ၏ ကောင်းကင်တမန်ဆိုင်ရာ အယူအဆများ 

ဒုတိယဗိမာန်ခေတ်တွင် ကောင်းကင်တမန်အကြောင်း အယူအဆများ ဖွံ့ဖြိုးလာပုံ 

ကမ္ဘာဦးကျမ်း ၆:၁-၄ ထဲရှိ ကျမ်းပိုဒ်သည် အကျဉ်းချုံးဖြစ်သည်၊ သို့သော် ဤထူးဆန်းသော ကျမ်းပိုဒ် ဖြစ်ပြီး၊ ဒုတိယဗိမာန်ခေတ် (Second Temple Period) တွင် ဂျူးလူမျိုးတို့၏ အနာဂတ် ဝိညာဉ်ရေး စာပေ (apocalyptic literature) များတွင် ကောင်းကင်တမန်ဆိုင်ရာ အယူအဆများကို ကျယ်ကျယ် ပြန့်ပြန့် ဖွံ့ဖြိုးစေခဲ့သည်။  ဤအရေးအသားသည်၊ ဟေဗြဲကျမ်းစာတိုင်းတာခြင်းထဲမှာ မပါသော်လည်း၊ ကနဦး ဂျိုးနှင့် ခရစ်ယာန်ဓလေ့တို့၏ လွမ်းမိုးခြင်းဖြစ်သည်။ သူတို့သည် ‘ဘုရားသခင်၏သားတော်များ’ ကို အနက်အဓိပ္ပာယ်အသေးစိတ်ဖွင့်ဆိုခဲ့ကြပြီး၊ ၎င်းတို့ကို ဘုရားသခင်၏ နယ်နိမိတ်များကို ချိုးဖောက် ခဲ့သော ကောင်းကင်တမန်များအဖြစ် ရှင်းလင်းစွာ ဖော်ပြခဲ့ကြသည်။

၁။ ဧနောက်ကျမ်း  (၁ Enoch)

ဧနောက်ကျမ်း (အထူးသဖြင့် “စောင့်ကြည့်သူများ၏ စာအုပ်” အခန်းကြီး ၆-၁၆) တွင် “စောင့်ကြည့် သူများ” (Watchers) ကို အမည်တစ်ခုစီဖြင့် ဖော်ပြထားပြီး၊ သူတို့သည် မြေကြီးပေါ်သို့ ဆင်းကာ လူသားမိန်းမများနှင့် အတူနေခဲ့ကြောင်း၊ တားမြစ်ထားသော အတတ်ပညာများ (ဥပမာ – နက္ခတ်ဗေဒင်၊ လက်နက်ပညာ၊ မှော်အတတ်) ကို သင်ကြားပေးခဲ့ကြောင်း ဖော်ပြသည်။  သူတို့၏ သား သမီးများဖြစ်သော နေဖလိမ်များသည် ကမ္ဘာကို အကြမ်းဖက်ဖျက်ဆီးခဲ့ပြီး၊ ဘုရားသခင်က မိက္ခေလ၊ ရဖေလ (Raphael) ၊ ဂါဗြလ (Gabriel) နှင့် ယူရီလ (Uriel) တို့ကို စေလွှတ်ကာ စောင့်ကြည့် သူများကို ဖမ်းဆီးစေခဲ့သည်။ ဤနေဖလိမ် (Nephilim) များ သေဆုံးပြီးနောက် ၎င်းတို့၏ ဝိညာဉ် များသည် နတ်ဆိုးများအဖြစ် ကျန်ရစ်ခဲ့ပြီး လူသားများကို ဒုက္ခပေးသည်ဟု ဆိုသည် (၁ ဧနောက် ၁၅:၈-၁၂)။ 

ဧနောက်ကျမ်းသည် သမ္မာကျမ်းစာ၏ တရားဝင်ကျမ်းစာစာရင်းတွင် မပါဝင်သော်လည်း၊ ယုဒဩဝါဒ ၁:၁၄-၁၅ တွင် တိုက်ရိုက်ကိုးကားထားသောကြောင့်၊ အစောပိုင်းခရစ်ယာန်ခေတ်၏ ဘာသာရေး အမြင်များအပေါ် လွှမ်းမိုးမှုရှိခဲ့ကြောင်း သိရသည်။ 

၂။ ယုဗိလကျမ်းများ (Jubiless)

ယုဗိလကျမ်းများ (ဘီစီ ၂ ရာစု) သည် စောင့်ကြည့်သူများရိုးရာကိုစနစ်တစ်ကျနှင့် အားဖြည့် ထားသည်။ ၎င်းသည် စောင့်ကြည့်သူများနှင့် ၎င်းတို့၏လူသားမိန်းမများ၏ ညစ်ညူးခြင်းများ အကြောင်းကိုရည်ညွန်း သော်လည်း၊ သူတို့၏ပဋိညာဉ်ရည်မှန်းချက်နှင့် ရာဇ၀င်များအပေါ်မှာ ထပ်မံအလေးပေး ဖော်ပြထား သည်။ ယုဗိလကျမ်းများသည် ကောင်းကင်တမန်များကို အမျိုးအစား ခွဲခြားထားသည်မှာ မျက်မှောက် တော်၏ ကောင်းကင်တမန်၊ သန့်ရှင်းစင်ကြယ်ခြင်း ကောင်းကင် တမန်များနှင့် အမှုဆောင်ခြင်း ကောင်းကင်တမန်များသည် နောက်ပိုင်းတွင် ကောင်းကင်တမန် အကြောင်းလေ့လာသော ခရစ်ယာန် လောကထဲမှာ ပုံကြမ်းဖြင့်သရုပ်မှု ဖြင့်ဖော်ပြသည်။ ၎င်းသည် စောင့်ကြည့်သူများ၏အပြစ်နှင့် နတ်ဆိုး၏ လုပ်ဆောင်မှု၊ စကြာ၀ဠာဆိုင်ရာ ပဋိပက္ခဖြစ်ခြင်း၏ အယူအဆ အားပေးခြင်းနှင့် အချိတ်အဆက်ရှိသည်။

ကွန်ရန်အသိုက်အဝန်းနှင့် စစ်ပွဲကျမ်း 

ပင်လယ်သေကျမ်းစာလိပ်များတွင် ကွန်ရန်အဖွဲဝင်များသည် နတ်ဆိုးနှင့်ကောင်းကင်တမန် စွမ်းအား များအကြား ဝိညာဉ်ရေးတိုက်ပွဲဖြစ်ပွားနေသော ဒွိဝါဒီကမ္ဘာအမြင်(dualistic worldview) တစ်ခုကို ထင်ဟပ် ဖော်ပြကြသည်။ “အလင်းသားတို့နှင့် အမှောင်သားတို့၏ စစ်ပွဲ” ကို ရှင်းလင်းစွာဖော်ပြ ထားပြီး၊ မိက္ခေလဦးဆောင်သော ကောင်းကင်တမန်တပ်များနှင့် ဗေလိယာလ် (Belial) ၏ တပ်များ အကြား နောက်ဆုံးကာလတွင် ဖြစ်ပေါ်မည့်စစ်ပွဲကို ဖော်ပြထားသည်။  ဤကျမ်းချက်သည် စကြာ ၀ဠာနိယာမ၊ သန့်ရှင်းခြင်းဖြင့် ဘုရား၀င်ရောက်စွက်ဖက်မှု၊ ကောင်းကင်တမန်များ ပြိုင်ဆိုင်ခြင်း ဦးတည်ချက်ကိုအာရုံစိုက်ပြီး နက်နဲစွာသက်ရောက်မှုရှိကြောင်း ဒံယေလ၊ စောင့်ကြည်သူ ၁၊ နှင့် ဗျာဒိတ်ကျမ်းများထဲတွင် တွေ့ရသည်။ ကွန်ရန်ကျမ်းချက်သည် အလင်း၏ မင်းသား၊ သမ္မာတရား၏ ကောင်းကင်တမန်နှင့် ဖျက်ဆီးခြင်းကောင်းကင်တမန်၊ ချမ်သာဖို့ထောက်ပံ့သော ကောင်းကင် တမန်နှင့် ခရစ်ယာန်မတိုင်မှီ မသိမသာ ကွဲပြားသော ကောင်းကင်တမန်အကြောင်း လေ့လာခြင်း များကိုလည်း အသုံးပြုသည်။ 

အကျဉ်းချုပ်  (၁)

ဓမ္မဟောင်းနှင့် ဓမ္မသစ်ကြားကာလ (Intertestamental Period) တွင် ကောင်းကင်တမန်ဆိုင်ရာ အယူအဆများ အလွန်တိုးတက်ဖွံဖြိုးလာခဲ့ပြီး၊ ကမ္ဘာဦးကျမ်း ၆:၁–၄  တွင် အနည်းငယ်သာ ဖော်ပြ ထားသော အကြောင်းအရာများကို ကျယ်ကျယ်ပြန့်ပြန့် ဖွင့်ဆိုခဲ့သည်။ ၁ ဧနောက်နှင့် ယုဗိလကျမ်း များတွင်ပါသော “စောင့်ကြည့်သူများ (Watchers)” အယူအဆနှင့် ကွန်ရန်ကျမ်းစာလိပ်များတွင် ပါသော ဒွိဝါဒ(dualism) တို့သည် အပြစ်၏မူလအစ၊ နတ်ဆိုးများ၏ဇာစ်မြစ်နှင့် ဝိညာဉ်ရေး အာဏာစက်တို့ကို ရှင်းပြရန် ဘာသာရေးဆိုင်ရာ ကြိုးပမ်းမှုတစ်ခုဖြစ်သည်။  ဤအယူအဆ များသည် ဓမ္မသစ်ကျမ်းရှိ ကောင်းကင် တမန်နှင့် နတ်ဆိုးဆိုင်ရာ အယူအဆများ (ဂျုဒ၏ဩဝါဒ၊ ၂ ပေတရု၊ ဗျာဒိတ်ကျမ်း) အတွက် အခြေခံဖြစ်စေခဲ့ပြီး၊ အစောပိုင်းခရစ်ယာန်ယုံကြည်ချက်၏ လောကအမြင်ကိုနားလည်ရန်အရေးကြီးသော အထောက်အထား များ ဖြစ်သည်။ 

အနှစ်ချုပ်  (၂)

ကမ္ဘာဦးကျမ်း ၆:၁–၄ သည် သမ္မာကျမ်းစာတွင် အငြင်းပွားဖွယ်ရာအကောင်းဆုံး ကျမ်းပိုဒ်တစ်ခု ဖြစ်သည်။ ရှေးဟောင်းဂျူးကျမ်းများထောက်ခံသော ကောင်းကင်တမန်နှင့် လူသားများ၏ ပေါင်း ဖော်မှု (angelic-human union) အယူအဆသည် ဤအာကာသပိုင်းဆိုင်ရာ ပုန်ကန်မှု၏ ပြင်းထန် မှုကို အလေးပေးဖော်ပြသည်။ ဤဖြစ်ရပ်သည် ဝိညာဉ်ရေးတိုက်ပွဲ၏ ကျယ်ပြန့်သော သမ္မာကျမ်းစာ အကြောင်းအရာကို ထည့်သွင်းပေးပြီး၊ ရေလွှမ်းမိုးခြင်းအားဖြင့် ဖန်ဆင်းခြင်းကို ထိန်းသိမ်းရန် ဘုရားသခင်၏ ဆုံးဖြတ်ချက်ကို အရိပ်အမြွက်ပြသသည်။