အခန်း (၈) – လူသားမျိုးနွယ်၏ အစနှင့် သဘာဝလွန်အရှိန်အဝါ 

 မြွေ၏ စုံစမ်းသွေးဆောင်ခြင်းနှင့် လူသား၏ကျဆင်းခြင်း 

 သမ္မာကျမ်းစာအခြေပြုချက်- လူသားဇာတ်လမ်းထဲသို့ မကောင်းမှု၏ ဝင်ရောက်လာခြင်း 

ကမ္ဘာဦးကျမ်း အခန်း ၃ တွင် သမ္မာကျမ်းစာ၏ အလှည့်အပြောင်းအရေးကြီးဆုံး အခိုက်အတန့် တစ်ခုကို မှတ်တမ်းတင်ထားသည်—မကောင်းမှုသည် လူသားအတွေ့အကြုံထဲသို့ စတင်ဝင်ရောက် လာခြင်းဖြစ်သည်။

မြွေသည် “ထာဝရအရှင်ဘုရားသခင် ဖန်ဆင်းတော်မူသော မြေတိရစ္ဆာန်သကာတို့ထက် လိမ္မာသည် ဖြစ်၍၊” (ကမ္ဘာဦးကျမ်း  ၃:၁) မိန်းမအား သင်တို့သည် ဥယျာဉ်၌ရှိသမျှသောအပင်တို့၏ အသီးကို မစားရဟု ဧကန်စင်စစ် ဘုရား သခင်မိန့်တော်မူသလောဟု မေး၏။ ဤသွေးဆောင်မှုသည် ဘုရား သခင်၏ အမိန့်တော်ကို လှည့်ဖြားစွာ ပြုပြင်ပြောဆိုခြင်းဖြင့် ဆန္ဒနှင့် ကိုယ်ပိုင်လွတ်လပ်မှုကို မြှောက်ပင့်သည်— “…သင်တို့သည် ဧကန်အမှန် သေရမည်မဟုတ်၊ …သင်တို့သည် …ကောင်း မကောင်းကို သိ၍၊ ဘုရားသခင်ကဲ့သို့ ဖြစ်ကြ” လိမ့်မည် (ကမ္ဘာဦး ၃:၄–၅)။ 

ဧဝသည် အသီးကိုစားပြီး အာဒံလည်း လိုက်လုပ်သည်။ သူတို့၏မနာခံသောအပြုအမူသည် လူသား ၏ ပထမဆုံးအပြစ်ဖြစ်ကာ၊ ဝိညာဉ်ရေးအကျိုးဆက်များကို ချက်ချင်းဖြစ်စေသည်—အရှက်ရမှု၊ အပြစ်ရှိမှု၊ ကြောက်ရွံ့မှုနှင့် သူတို့၏ဖန်ဆင်းရှင်းနှင့် လူသားကြားမှာ ဆက်ဆံရေး ပြတ်တောက် သွားသည်။ ထို့နောက် ဇနီးမောင်နှံတို့၏ ဧဒင်ဥယျာဉ်မှ နှင်ထုတ်ခံရခြင်းသည် ဘုရားနှင့်sအတူ ရှိသော ပျော်ရွှင်မှုနှင့် ဘုရား၏အစီအစဉ်မှ လွဲချော်သွားခြင်း၏ သင်္ကေတဖြစ်သည်။ 

နောက်ပိုင်းကျမ်းပိုဒ်များ အထူးသဖြင့် ဗျာဒိတ် ၁၂:၉ အပါအဝင်တွင် မြွေကို “လောကီသားအပေါင်း တို့ကို လှည့်ဖြားသောသူ” စာတန်ကဲ့သို့ ဖော်ပြထားပြီး၊ ဤရှေးဟောင်းပုန်ကန်မှုကို ကောင်းမှုနှင့် မကောင်းမှုကြား စကြဝဠာတစ်လျှောက် ဖြစ်ပွားနေသော ပဋိပက္ခနှင့် ဆက်စပ်ထားသည်။ 

 ဘုရားအကြောင်းလေ့လာခြင်းဆိုင်ရာအဓိပ္ပာယ်သက်ရောက်မှု – ကျဆင်းခြင်း၊ ဘုရားနှင့် ကင်းကွာခြင်းနှင့် လူသား၏သဘာဝ 

ကမ္ဘာဦးကျမ်း ၃ အဖြစ်အပျက်များသည် လူသား၏ ကျဆင်းခြင်းဝိညာဉ်ရေး သေခြင်း၊ ကိုယ်ကျင့် တရားပျက်စီးခြင်းနှင့် ဘုရားနှင့်ကင်းကွာခြင်းတို့ကို မိတ်ဆက်ပေးသော ဘုရား အကြောင်း လေ့လာခြင်းအမြင်အရ အလှည့်အပြောင်းတစ်ခုကို မှတ်သားထားသည်။ တစ်ခါက သဟဇာတ ဖြစ်ခဲ့သော ဖန်ဆင်းခြင်းသည် ကွဲလွဲသွားသည်။  ယုံကြည်မှုသည် အပြစ်တင်မှုအဖြစ်၊ ရင်းနှီးမှုသည် ပုန်းအောင်းမှုအဖြစ်၊ အသက်သည် သေခြင်းအဖြစ် ပြောင်းလဲသွားသည်။ ဘုရား၊ လူသားမျိုးနွယ်နှင့် ဖန်ဆင်းခြင်းကြားမှာရှိသော ဆက်ဆံရေးဖွဲ့စည်းပုံသည် မူမမှန်တော့ပါ။

ဤဇာတ်လမ်းသည် နဂိုမူလအပြစ် (original sin) ယုံကြည်ခံယူချက်အတွက် အခြေခံဖြစ်သည်၊ လူသား၏သဘာဝရှိသော မူလနေရာသည် အာဒံ၏အပြစ်ကြောင့် ပျက်စီးယိုယွင်းနေသည်ဟူသော နားလည်သဘောပေါက်ခြင်းဖြစ်သည်။ ဤကျဆင်းခြင်းသည် သမိုင်းဝင်အဖြစ်အပျက်တစ်ခုသာမက၊ လူသားအားလုံး၏ ဖြစ်တည်မှုနှင့် ဝိညာဉ်ရေးအခြေအနေကို သတ်မှတ်ပေးသည်။ ဤအချိန်မှစ၍ သမ္မာကျမ်းစာဇာတ်လမ်းသည် ဘုရားသခင်၏ ရွေးနှုတ်ခြင်းဖြစ်သော ပျောက်ဆုံးသော အရာကို ပြန်လည်ရှာဖွေသည့် ဇာတ်လမ်း ဖြစ်လာသည်။ 

အာဒံနှင့်ဧဝသည် ၎င်းတို့၏ ကိုယ်ခန္ဓာအ၀တ်အချည်းစည်းဖြစ်မှုကို သိမြင်လာသကဲ့သို့ ကျဆင်း ခြင်းသည် ကိုယ်ကျင့်တရားဆိုင်ရာ အသိစိတ်ကိုလည်း မိတ်ဆက်ပေးသည်။  ဤအသိသည် “ဉာဏ်အလင်းရခြင်း” အားဖြင့်မဟုတ်ပါ၊ သို့သော်၊ ရှက်ရွံစိတ်ဖြင့်၊ ဘုရားသခင်၏လမ်းပြခြင်း မပါဘဲ ကိုယ်ကျင့်တရားဆိုင်ရာ အသိပညာသည် မနီးစပ်စေဘဲ၊ ပိုမိုကင်းကွာမှုကိုသာ ဖြစ်စေသည်ကို ထင်ရှားစေသည်။

ပရိုတိုဧဝံဂေလိ- ပထမဆုံးဧဝံဂေလိ 

တရားစီရင်ခြင်း၏ ကြေငြာချက် ကြားထဲက၊ ကမ္ဘာဦး ၃:၁၅ တွင် တွေ့ရသော ဤကတိတော်သည် ခရစ်ယာန်ဘာသာရေးတွင် “ပရိုတိုဧဝံဂေလိ” (ပထမဆုံးသော ကယ်တင်ခြင်းသတင်းကောင်း) အဖြစ် အသိအမှတ်ပြုထားသည်။  “သင်နှင့်မိန်းမကို၎င်း၊ သင်၏အမျိုးအနွယ်နှင့် မိန်းမ၏ အမျိုးအနွယ်ကို၎င်း၊ ငါသည်ရန်ငြိုး ဖွဲ့စေမည်။ သူသည် သင်၏ခေါင်းကို ကြိတ်လိမ့်မည်၊ သင်သည် သူ၏ဖနောင့်ကို ကြိတ်လိမ့်မည်ဟု မိန့်တော်မူ၏။”

ဤကျမ်းပိုဒ်သည် မေရှိယကြွလာမည်၊ မြွေ၏အမျိုးအနွယ် (စာတန်) ကို အနိုင်ယူမည့် “မိန်းမ၏ အမျိုး” (ခရစ်တော်) အကြောင်း ပရောဖက်ပြုချက်တစ်ခုဖြစ်သည်။ “ဖနှောင့်နှင့်ခေါင်း” ပုံဆောင်ချက်သည် အဖိုးတန်သော်လည်း အောင်ပွဲခံမည့် တိုက်ပွဲကို ညွှန်းဆိုကာ၊ ခရစ်တော်၏ အသေခံခြင်းနှင့်ရှင်ပြန်ထမြောက်ခြင်းမှတစ်ဆင့် စာတန်ကို အနိုင်ယူမည့်အရာကို အစောပိုင်းကပင် ညွှန်းဆိုထားသည်။ 

ဤပရိုတိုဧဝံဂေလိသည် ဘုရားသခင်၏ တရားစီရင်ခြင်းကြားတွင် ကျေးဇူးတော်၏အစကို မှတ်သားထားသည်။ ဘုရားသခင်၏ တရားမျှတမှုသည် ကရုဏာတော်ကို မဖျက်ဆီးဘဲ လူသားသမိုင်း၏အစကတည်းကပင် ရွေးနှုတ်ခြင်းသည် စတင်ဖွဲ့စည်းလျက်ရှိသည်။ 

အကျဉ်းချုပ် – အပြစ်၏မူလအစနှင့် ရွေးနှုတ်ခြင်းအစ 

ဧဒင်ဥယျာဉ်ရှိ သွေးဆောင်မှုနှင့် ကျဆင်းခြင်းသည် လူသား၏အပြစ်၊ ဆင်းရဲဒုက္ခနှင့် သေခြင်း၏ မူလအစကို ရှင်းပြသည်။ ၎င်းတို့သည် လူသား၏ကျိုးပဲ့ပျက်စီးမှုအကြောင်းရင်းသာမက၊ သမ္မာ ကျမ်းစာတစ်လျှောက် ဖြန့်ကျက်သော ဝိညာဉ်ရေးတိုက်ပွဲကိုလည်း အခြေခံချမှတ်ပေးသည်။ မြွေ၏လှည့်ဖြားခြင်း၊ လူသား၏ မအောင်မြင်ခြင်းနှင့် ဘုရားသခင်၏တုံ့ပြန်မှုတို့သည် သမ္မာကျမ်းစာ ကို ဘုရား၏လိုက်လံရှာဖွေခြင်းနှင့် လူသား၏ပြန်လည်ထူထောင်ခြင်းဇာတ်လမ်းအဖြစ် ဘောင်ခတ်ပေးသည်။  အရေးအကြီးဆုံးမှာ၊ ဤအခန်းကြီသည် မျှော်လင့်ခြင်း၏ပထမဆုံးအလင်းရောင်၊ ဒုတိယအာဒံ ဖြစ်သောခရစ်တော်အား ကတိပေးထားသည့် ကယ်တင်ခြင်းသတင်းကို မိတ်ဆက်ပေးသည်။ ဧဝံဂေလိသည် ခရစ်၀င်ကျမ်းများတွင် စတင်သည်မဟုတ်—ဧဒင်ဥယျာဉ်တွင်ပင် အစပြုခဲ့ပြီး ဖြစ်သည်။