အခန်း (၂) – ဝိညာဉ်ရေးရာ နယ်ပယ်၏ ဖန်ဆင်းခြင်း 

ကောင်းကင်တမန်များ၊ ဘုရားဖြစ်ခြင်း၏ အဆင့်အတန်းများနှင့် မမြင်နိုင်သော အစီအစဉ် 

သမ္မာကျမ်းစာအခြေပြုချက်- ဝိညာဉ်ရေးရာနယ်ပယ်သည် ရုပ်ပိုင်းဆိုင်ရာထက် ဦးစွာဖန်ဆင်း ခံရခြင်း 

သမ္မာကျမ်းစာက ဝိညာဉ်ရေးရာနယ်ပယ်တွင် ကောင်းကင်တမန်များအပါအ၀င်၊ နှင့် ကောင်းကင်အဆင့်အတန်းများသည် ရုပ်ပိုင်းဆိုင်ရာစကြဝဠာမတိုင်မီ ဖန်ဆင်းခံခဲ့ကြောင်း အတည် ပြုထားသည်။ ယောဘ အခန်းကြီး (၃၈)၊ အငယ် (၇) တွင် ဘုရားသခင်က ကမ္ဘာမြေ ဖန်ဆင်းခြင်းကို ပြန်ပြောင်း ဖော်ပြရာတွင် “နံနက်ကြယ်တို့သည် တညီတညွတ်တည်း သီချင်းဆို၍၊ ဘုရားသခင်သား   အပေါင်း တို့သည် ဝမ်း မြောက်သဖြင့်၊ ကြွေးကြော်ကြစဉ်၊” ဟု ဖော်ပြထားသည်။ ဤကဗျာဆန်သော ပုံရိပ်သည် ရုပ်ပိုင်းဆိုင်ရာစကြဝဠာဖြစ်ပေါ်ခြင်းကို မျက်မြင်တွေ့ကြကာ ဝမ်းမြောက်ခဲ့သော ဝိညာဉ်ရေးရာသတ္တဝါများ ရှိပြီးဖြစ်ကြောင်း အားကောင်းစွာ ညွှန်းဆိုနေသည်။ 

ကောလောသဲဩဝါဒစာ အခန်းကြီး (၁)၊ အခန်းငယ် (၁၆) တွင် ဘုရားသခင်၏ ဖန်ဆင်းခြင်းအား ပိုမိုရှင်းလင်းစွာ ဖော်ပြထားသည်—  “အကြောင်းမူကား၊ ထိုသားတော်သည် ကောင်းကင်ပေါ်၊ မြေကြီးပေါ်မှာရှိသမျှသော ရူပအရာ၊ အရူပ အရာ၊ ရာဇပလ္လင်ဖြစ်စေ၊ အစိုးရခြင်းတန်ခိုးဖြစ်စေ၊ အထွဋ်အမြတ်ဖြစ်စေ၊ အာဏာစက်ဖြစ်စေ၊ ခပ်သိမ်း သောအရာတို့ကို ဖန်ဆင်းတော်မူ၏။ ထိုသခင် အားဖြင့်၎င်း၊ ထိုသခင်အဘို့ အလိုငှါ၎င်း၊ ခပ်သိမ်းသောအရာတို့ သည် ဖန်ဆင်းလျက်ဖြစ်ကြ၏” ဤကျမ်းပိုဒ်သည် မမြင်နိုင်သော ဝိညာဉ်ရေးရာတည်ရှိမှုများ (မကြာခဏ ကောင်းကင်တမန် အဆင့်အတန်းများအဖြစ် အဓိပ္ပာယ်ကောက်ယူကြသည်) ကို ရှင်းလင်းစွာ ထည့် သွင်းဖော်ပြထားပြီး၊ ခရစ်တော်သည် မြင်နိုင်သည်ဖြစ်စေ၊ မမြင်နိုင်သည်ဖြစ်စေ အရာ အားလုံး၏ ဖန်ဆင်းရှင်ဖြစ်ကြောင်း အတည်ပြုထားသည်။  ဤကျမ်းပိုဒ်များက ဝိညာဉ်ရေးရာနယ်ပယ်သည် ထာဝရမဟုတ်ဘဲ၊ ဘုရားသခင်၏ စကြဝဠာအစီအစဉ်အတွင်း တာဝန်ထမ်းဆောင်ရန် ရည်ရွယ် ချက်ဖြင့် ဖန်ဆင်းခံခဲ့ ရကြောင်း အတည်ပြုပေးသည်။

ဘာသာရေးအဓိပ္ပာယ်သက်ရောက်မှု  – ဖန်ဆင်းခံ၊ အစီအစဉ်တကျနှင့် အသုံးဝင်သောနယ်ပယ် 

ဝိညာဉ်ရေးရာနယ်ပယ်သည် မျက်မြင်မဟုတ်သော်လည်း ၎င်းသည်အစစ်အမှန်ရည်ရွယ်ချက် ရှိပြီး အသေးစိတ်စီမံထားသော အစီအစဉ်ဖြင့်တည်ရှိသည်။ ၎င်းသည် ဘုရားသခင်၏ အရေအတွက် အဖြစ်မတွေ့ရပါ၊ သို့သော်လည်း သူ၏အချုပ်အခြာအာဏာအောက်ရှိ ဖန်ဆင်းခံနယ်ပယ်တစ်ခု ဖြစ်သည်။ ဤနယ်ပယ်အတွင်း “ဘုရားသခင်၏ အမှုဆောင်အဖွဲ့” (Divine Council) ဟုခေါ်သော ကောင်းကင် အစည်းအဝေးတစ်ခု လှုပ်ရှားလည်ပတ်လျက်ရှိပြီး၊ ၎င်းကို ဓမ္မဟောင်းကျမ်းအချို့တွင် တွေ့ရှိနိုင်သည်။ 

– ဆာလံကျမ်း ၈၂ တွင် ဘုရားသခင်သည် “ဘုရားများ” (ဧလောဟိမ်) အလယ်၌ ရပ်တည်ကာ မတရားသော အုပ်ချုပ်မှုအတွက် ဆူပူကြိမ်းမောင်းသည်ကို ဖော်ပြထားသည်။ 

– ၁ ရာဇဝင်ချုပ် ၂၂:၁၉–၂၂ တွင် ဘုရားသခင်သည် မိမိ၏ ပလ္လင်ပေါ်၌ ထိုင်နေပြီး “ကောင်းကင် ဗိုလ်ခြေအပေါင်းတို့” ဝန်းရံလျက်၊ အာဟပ်ဘုရင်အား တရားစီရင်ရန် အကြံပေးကြပုံကို မြင်ရသည်။  ထိုသို့သော ဖော်ပြချက်များသည် ဘုရားသခင်၏ အုပ်ချုပ်မှု၊ ကိုးကွယ်မှုနှင့် ဗျာဒိတ်တော်တို့တွင် ပါဝင်ဆောင်ရွက်သော အမျိုးမျိုးသော ဝိညာဉ်ရေးရာသတ္တဝါများပါဝင်သည့် ကောင်းကင်တရားရုံး တစ်ခုတည်ရှိကြောင်း အတည်ပြုပေးသည်။ ၎င်းတို့သည် ကိုယ်ပိုင်အုပ်ချုပ်ခွင့်ရှိသော နတ်ဘုရား များမဟုတ်ဘဲ၊ ဘုရားသခင်၏ အမြင့်ဆုံးအာဏာအောက်တွင် အလုပ်လုပ်သော လက်အောက်ခံ တည်ဆောက်ပုံများဖြစ်သည်။ 

ဤနားလည်မှုက အောက်ပါတို့ကို အလေးအနက်ထားဖော်ပြသည်— 

– ဘုရားသခင်၏ အကန့်အသတ်မဲ့သော သဘောသဘာဝ – သူတစ်ပါးတည်းသာ ဖန်ဆင်းခြင်း မခံရဘဲ၊ ထာဝရတည်ရှိသူဖြစ်သည်။ 

– အဆင့်အတန်းအလိုက် သဟဇာတဖြစ်မှု – ဝိညာဉ်ရေးရာဖြစ်ခြင်းထဲမှာ အခန်းကဏ္ဍ၊ အဆင့် အတန်းနှင့် တာဝန်ဝတ္တရားများဖြင့် လှုပ်ရှားကြသည်။ 

– လုပ်ဆောင်ချက်ဆိုင်ရာ ရည်ရွယ်ချက် – ၎င်းတို့သည် ဘုရားသခင်၏ အလိုတော်အတိုင်း အုပ်ချုပ်ရေးတွင် အထောက်အကူပြုသော အသုံးတော်ခံသာများဖြစ်ပြီး၊ ပြိုင်ဘက်များမဟုတ်ပေ။ 

သက်ရှိများ၏ အမျိုးအစားများ – လုပ်ဆောင်ချက်နှင့် ပုံသဏ္ဍာန်အလိုက် ကွဲပြားမှု 

သမ္မာကျမ်းစာနှင့် ဒုတိယဗိမာန်တော်ကာလစာပေနှစ်ခုတို့တွင် တာ၀န်၀တ္တရား၊ အဆင့် အတန်းဖော်ပြချက်များအရ ဝိညာဉ်များ၏ကြွယ်ဝသည့် ဇာတ်ခုံအမျိုးအစားခွဲခြားမှုကို ဖော်ပြ ထားသည်။   

– ကောင်းကင်တမန်သရပ် (ဟေရှာယ ၆:၂) – သူတို့သည် အတောင်ခြောက်ခုစီရှိကာ၊ ဘုရားသခင်၏ ရှေ့တော်၌ ရပ်တည်ကာ၊  သူ၏ သန့်ရှင်းခြင်းကို ကြွေးကြော်ကြသည်။  သူတို့သည် ဖြူစင်ခြင်း၊ ကိုးကွယ်ခြင်း နှင့် စိတ်အားထက်သန်စွာ လောက်ကျွမ်းခြင်းကို ကိုယ်စားပြုသည်။ 

– ခေရုဗိမ်များ (ယေဇကျေလ ၁၀:၁–၂၂) – ဧဒင်ဥယျာဉ်နှင့် ပဋိညာဉ်သေတ္တာကဲ့သို့သော သန့်ရှင်းရာ ဌာနနေရာများကို စောင့်ရှောက်သော မျက်နှာစုံသော ကောင်းကင်တမန်များဖြစ်သည်။ သူတို့သည် ဘုရားသခင်၏ ၀င်ပေါက်နေရာကို ကာကွယ်သောသူများ ဖြစ်ကြသည်။

-ကောင်းကင်တမန်မင်း (ဒံယေလ ၁၀:၁၃၊ ယုဒ  ၁:၉) – အဆင့်မြင့်ရာထူးရှိသော သတင်းပေးသူနှင့် ကောင်းကင်စစ်သည် ဝိညာဉ်များဖြစ်သည်။  မိက္ခေလသည် တစ်ဉီးချင်းအနေဖြင့်၊ အစ္စရေးနိုင်ငံနှင့် မကောင်းမှုတမာတို့၏ ရန်လိုမှုမှ ကာကွယ်သူဖြစ်သည်။

-စောင့်ပေးသူများ (ဒံယေလ 4:13; 1 ဧနောက်) – လူသားများကို စောင့်ကြည့်ပြီး ဘုရားတရား အမှုဆောင်ခြင်းများတွင်ပါ၀င်သော ကောင်းကင်တမန်များဖြစ်သည်။ ကျမ်းစာတွင် မကြာခဏ အသုံးမပြုသော နာမတစ်ခုဖြစ်သော်လည်း၊ ကနဦးအသင်းတော်များသည် ကောင်းကင်တမန် အဆင့်အတန်း စနစ် (သို့) ကောင်ကင်ဘုံအဆင့်ဆင့်ရှိသည်ဟု စိတ်ကူးခဲ့ကြသည်။

အမျိုးအစားခွဲခြားမှုအားလုံးမှာ သေချာသည်ဟု မဆိုလိုသော်လည်း၊ ဤသက်ရှိကောင်းကင် တမန်များသည် ဝိညာဉ်ရေးရာအစဉ်အဆက်၏ ရှုပ်ထွေးမှုနှင့် ရည်ရွယ်ချက်ပါရှိမှု၊ ဘုရားသခင်၏ အာဏာ၊ တရားမျှတမှု၊ ကိုးကွယ်ခြင်းနှင့် အစေခံခြင်း အချက်အချာများကို ပြန်လည်တုန့်ပြန် ပြသ ကြသည်။

.

အတိုးချုံး – စနစ်တကျသတ်မှတ်ထားသော ဝိညာဉ်နယ်ပယ်

ဝိညာဉ်နယ်ပယ်သည်  အထွေထွေသဘေားတစ်ခုမဟုတ်ပါ၊ သို့သော် စနစ်တကျဖန် တီးထားပြီး၊ အမျိုးမျိုးသော ဝိညာဉ်များနေထိုင်သောဒေသဖြစ်သည်။  ဤအထောက်အထား များသည် လောကဒြပ်မတည်ရှိမီ ဘုရားသခင်၏ ဖန်ဆင်းခြင်းကိုခံရပြီး၊ ကိုးကွယ်ခြင်း၊ ဗျာဒိတ် ပေးခြင်းနှင့် စကြဝဠာအုပ်ချုပ်မှုဆိုင်ရာ ဘုရားသခင်စီမံထားသော စနစ်တော်အတွင်း၌ တာဝန် ထမ်းဆောင် ကြသည်။

ဤဝိညာဉ်နယ်ပယ်သည် တိတ်ဆိတ်နေသောအရာမဟုတ်ဘဲ လှုပ်ရှားတက်ကြွပြီး ဘုရား သခင်၏ ရည်ရွယ်ချက်များအတိုင်း ဖြန့်ဖြူးဆောင်ရွက်သည့် တာဝန်အခန်းကဏ္ဍများနှင့်အတူ သတ်မှတ်ထားသောသက်ရှိများနှင့် ပြည့်နှက်လျက်ရှိသည်။ ကောင်းကင်တမန်များဖန်ဆင်းခြင်း၊ ဘုရားနှင့်ဆိုင်သော ဒေသန္တာရအုပ်ချုပ်ခြင်းစတင်ခြင်းနှင့် ကောင်းကင်တပ်ဖွဲ့၏ အဆင့်အတန်း၊ စနစ်တကျရှိသော အစီအစဉ်၊ အဓိပ္ပာယ်ရှိမှုနှင့် လူမှုရေးတာ၀န်ယူမှုတို့ဖြင့် ပြည့်စုံသည့် နယ်ပယ် တစ်ခုကို ဖော်ပြနေသည်။ ဤမမြင်နိုင်သော ပုံရိပ်ထဲတွင် ထာ၀ရ၊ ဖန်ဆင်းခြင်းမခံရသော အရာ အားလုံးအထက်မှာ သူသည်အထွတ်အထိပ်အာဏာရှိသူအဖြစ် အုပ်စိုးသည်။  ဝိညာဉ်ရေးဆိုင်ရာ ဖန်ဆင်းခြင်းသည် လောကဒြပ်ဖြစ်မည့်အရာကို ရှေ့ပြေးလက္ခဏာအဖြစ် သတ်မှတ်ပြီး၊ သမ္မာကျမ်းစာတစ်ခုလုံးတွင်ဖော်ပြသော အာခံ ဖောက်ပြန်မှု၊ ရွေးနုတ်ခြင်းနှင့် ပြန်လည်ပြုပြင်ခြင်းဆိုင်ရာဇာတ်ကြောင်းတစ်ခုလုံးကို အခြေခံထားသည့် ဘောင်တစ်ခုဖြစ်သည်။