Lamek kum za leh kum sawmgiatlenih a phak ciangin tapa khat nei a, 29 ama min Noah phuakin, “ Topa in a ciamsiatsa leitang panin hihpa in i nasepna leh i gimnate-ah eite hong khahkhia ding hi,” a ci hi. (Piancil 5:28,29)
– Noah kum zanga a phak khit ciangin Shem, Ham, leh Jafeth, tapa thum a nei hi. (Piancil 5:32)
– Noah in tapa thum, Shem, Ham, leh Jafeth a nei hi. (Piancil 6:10)
– Tuiciin a tun’ khit ciangin Noah kum zathum leh kum sawmnga nungta hi. 29 Noah’ khan’ sungteng pen kum zakua leh kum sawmnga hi a, tua ciangin amah a si hi. (Piancil 9:28, 29)
| Noah in zong a upna hang mah tawh mailama thupiang ding a muh theih lohpi mahin Pasian’ thugenna na mang a, teembaw khat bawlin a innkuanpihte tawh na suakta hi. Hih bangin a gamtatna tawh leitung midangte a mawh ahihna kilang sak a, a upna hangin mihoih hihna thu Pasian kiang panin a ngah hi. (Hebrews 11:7, Piancil 6:13-7:1, Peter Masa 3:20) Amah in leenggahzu ne-in kham a, a puanbuk sungah bangmah silh loin a lum hi. (Piancil 9:23) Noah a zukhamna panin a pilvan’ ciangin ama tungah a tapa Ham’ gamtatna thei a, 25 amah in, “Canaan in samsiatna ngah ta hen la, a sanggamte’ sila hi ta hen. (Piancil 9:24, 25) |
Note: Noah te innkuan lo buang tuicin ah sigai ahih manin khanggui dang bangmah om lo aa Adam khanggui pen Noah khanggui bekin zom suak hi. Hih Noah’ tapa thumte panin leitung buppi mi tawh hong kidim hi. (Piancil 9:19)
– Noah ii tapa Ham le Jafeth ii khanggui panin Zeisu hong suak lo ahih manin, amau khangguite i suutsuk nawnkei ding hi.
– Shem ii khanggui pan Zeisu hong suak ahih manin ama khanggui bek i suutsuk ding hi.
