Tua ahih ciangin Topa Pasian in mipa ihmut suak mahmah sak a, ama ihmut kalin a nakguhte khat la-in tua mun pen satak tawh a dim sak hi. 22 Topa Pasian in mipa’ tung panin a lakkhiat nakguh pen numei khatin bawl a, mipa kiangah tuanu a paipih hi. (Piancil 2:21,22)
Bang hang hiam cih leh a masa-in Adam kipiang sak a, tua ciangin Eve kipiang sak pan hi. (Timothy Masa 2:13)
– Tu-in mipa in ama zi Eve luppih a, amah gai-in Cain nei a, “ Topa’ huhna tawh mi khat ka ngah khin hi,” ci hi. 2 Tua ciangin a sanggampa Abel nei leuleu hi. Tu-in Abel, tuu kempa hi a, Cain, lo khopa ahi hi. (Piancil 4:1,2)
– Adam kum za leh kum sawmthum a phak khit ciangin, amah a sun tapa khat nei a, Seth ci-in a min a phuak hi. (Piancil 5:3)
– Seth a suah khit ciangin Adam kum zagiat sung nungta lai hi. Amah in tanu leh tapa dang zong a nei hi. (Piancil 5:4)
– Tua ahih ciangin Adam’ nuntak hun sungteng pen kum zakua leh kum sawmthum hi a, tua ciangin amah si hi. (Piancil 5:5)
| Topa Pasian in mipa thu pia a, “Na ut utin huan sung singkung gah khempeuh na ne thei ding hi. 17 Ahih hangin a pha leh a sia theihna singkung gah pen na ne kei ding hi. Bang hang hiam cih leh tua na nek ni-in na si ding hi,” a ci hi. (Piancil 2:16,17) Ahih hangin gulpi in numei kiangah, “Na si kei ding uh hi. 5 Bang hang hiam cih leh tua singgah na nek ciangun na mitte uh hong vak ding a, a pha leh a sia thei-in, Pasian tawh na kibat ding lamtak uh Pasian in thei hi,” a ci hi. 6 Tua ahih ciangin singkung a hoihna, mi a pil sak dingin tua a gah a deihhuaina a muh ciangin, a singgah lo-in a ne hi. Amah in singgah kimkhat a pasal pia a, a pasal in zong a ne hi. (Piancil 3:4-6) Tua ahih ciangin Topa Pasian in, amah a kipian sakna leitang a kho dingin Eden Huan panin mipa a sawlkhia hi. 24 Amah in mipa hawlkhia hi. Kherub-te leh mun khempeuh a nga thei meikuang namsau pen Eden Huan nisuahna lamah nuntakna singkung lampi a cing dingin a koih hi. (Piancil 3:23,24) |
