- Adam le Eve, Pasian thukham a palsatte ahi uh hi.
- Noah pen ama lenggahzu khamna pan ama suan sung ah thupha piak tuam, samsiat tuam a nei khat hi.Abraham pen a zi Sarah ii cih bangbangin Hagar tawh ta nei aa, a zi Sarah ii cih bangbangin Hagar le a ta, Ishmael pen inn pan a hawlkhia khat hi. A zi pen a sanggamnu ci-in nihvei bang zuau a khem ngei khat hi.Isaac zongh a zi pen a sanggamnu ci-in zuau a phuak ngei khat hi. Jacob zongh a pa a khem khat hi. A zi dingin a deih loh a pu Laban ii tanu upen, Leah tawh a ngah uh suanlekhak sese pan Zeisu Christ hong suak hi.
- Jacob ii tapa Reben in a pa’ zineu Bilhah luppih hi. Jacob in tua thu thei in heh mahmah hi.
- Judah in a monu tawh a ngah suanlekhak sese pan Zeisu Christ hong suak hi.
- Salmon in numei kizuak a tenpih Rahab tawh a ngah uh suanlekhak sese pan Zeisu Christ hong suak hi.
- Boaz in pasal neisa Moab minam Ruth tawh a ngah uh suanlekhak sese pan Zeisu Christ hong suak hi.
- David zongh mi zi tawh mawh aa a pasal sih nading vaihawm hi. Tua panin a ngah suanlekhak sese pan Zeisu Christ hong suak hi.
- Solomon in milim bia zi nei-in a kumpi inn sung ah milim biak ding phal hi. Ama ii suanlekhak sese pan Zeisu Christ hong suak hi.
- Rehoboam pen kumpi gilo hi aa, Israel gam kiphalkhap hun ahi hi. Ama suanlekhak sese pan Zeisu Christ hong suak hi.
- Hih khanggui sung pan kumpi a suak 14 om aa, 6 gilo aa 1 kisikkik hi. Kumpi David le Kumpi Solomon pen Kumpi hoihin kisim hi.
