- Joseph ii pusawnsawn Solomon le Mary ii pusawnsawn Nathan pen unau hi.
- Solomon le Nathan pen pa kibang Kumpi David le nu kibang Bathsheba ahi hi.
- Kumpi David pan Joseph lam ah a khang 27 na ciangin Topa Zeisu Christ hong suak hi.
- Kumpi David pan tonu Mary lam ah a khang 42 na ciangin Topa Zeisu Christ hong suak hi.
- Joseph lam pan ahi zong, Mary lam pan ahi zong a pupi uh David ahihna zui-in, Lai Siangtho in “David Tapa, Zeisu Christ” ci-in na gen hi.[1]
- Kumpi David pen Israel minam beh 12 lak pan Judah suan ahihna zui-in, Lai Siangtho in Zeisu Christ pen “Judah Kumpi” ci-in na gen hi.[2]
[1] Mangmuhna 22:16, Mangmuhna 5:5, Matthew 21:9, Mark 10:48, Mark 12:35, Johan 7:42, Rom 1:3, Timothy Nihna 2:8
[2] Matthew 2:6, Matthew 27:11, 29, 37, Luke 23:38, Mark 15:2, Johan 19:3, Micah 5:2
