Tua ciangin Jerusalem khuasung panin Bethany khuagei ciang amaute paipih a, tua lai panin a khut laamto-in amaute thupha a pia hi. (Luke 24:50)
Note’ omna ding mun a bawlkhol dingin a pai ding ka hi hi. Ka Pa’ innsungah omna ding mun tampi om hi. A om lo ding hi leh hih bangin thu ka hong gen kei ding hi. (Johan 14:2)
Ka Pa’ hong ciamsa thu, note tungah ka hong pia ding hi. Ahi zongin vantung panin tua vangliatna na ngah mateng uh hih Jerusalem khuapi-ah na ngak un,” a ci hi. (Luke 24:49, Sawltak 1:4)
Amaute thupha a piak laitakin amaute kiang panin paikhia-in vantungah amah a kilato hi. (Luke 24:51)
Tua bangin Topa Zeisu in amaute tungah thu a gen khit ciangin vantungah kilato-in Pasian’ taklamah a tu hi. (Mark 16:19)
A mantakin ka hong genin-ah, kei hong umte in keima sep nate mah sem ding hi. Pa kiangah kei ciahding ka hih manin keima sep sangin zong a lianzaw sem lai ding uh hi. (Johan 14:12)
Ama sih khitzawh ni sawmli sung amaute tungah tam veipi kilang a, amah a nungta taktak ahihna teltakin a kithei ahi hi. Amaute in amah mu uh a, Pasian’ Ukna thu amaute tungah a gen hi. (Sawltak 1:3)
Hih thu a genkhit ciangin amaute’ muhtangpi mahin vanah Zeisu kilato a, meiipi in liah ahih manin amah mu thei nawn lo uh hi. (Sawltak 1:9)
– Amah khutsiampa hilel a, Mary’ tapa hilo ahi hiam? James, Joseph, Judas, leh Simon-te’ u hilo ahi hiam? A nau numeite zong hih lai mah-a om hilo ahi uh hiam?” a ci uh hi. Tua hi a, amah sang zolo uh hi. (Matthew 13:55, Mark 6:3, Johan 6:42)
– Tua hun laitakin Topa’ sanggam James sim loh sawltak kuamah dang ka mu kei hi. (Galatian 1:19)
| “A hunhoih hong tungta a, Pasian’ Uk ding hun hong kipanta hi. Na mawhna uh kisikkik un la, hih Lungdamna Thuthak um un,” ci-in a hilh hi. (Mark 1:15) Pa Pasian in leitung mite a honkhia dingin a Tapa a hong pai sakna thu kote in thei-in midang kiangah genbelin ka nei uh hi. (Johan Masa 4:14) Pasian in ama ciamsa bangin Israel mite a honkhia dingin hih David’ suan sung pan Zeisu a bawl hi. (Sawltak 13:23) Amah in zong khauteep bawlin biakinn huangsung panin tuu leh bawng-a kipan ganhing khempeuh hawlkhia a, sumkhekte’ sabuai zong sawnpaih sakin a sum khempeuh a thehthang sak hi. 16Tua ciangin kawl vakhu zuakte kiangah, “Na kawl vakhute uh hih lai panin paikhiatpih un. Ka Pa’ inn pen sumzuakna inn phualpi-in nei kei un,” a ci hi. (Johan 2:15, 16) Amaute dingin khuanawlah Zeisu paipih uh a, khuanawl keenah a bungbu sawnkhiat dingin a paipih uh hi. 30 Ahi zongin amaute’ lak nawkin Zeisu a paikhia hiau hi. (Luke 4:29, 30) Zeisu, kum sawmlenih a phak ciangin a ngeina bangin tua pawi-ah a thumun a pai uh hi. 43 Tua pawi vengin a ciahkik uh ciangin Jerusalem khua-ah naupang Zeisu kinusia kha hi. A nu leh a pa in a nusiatlam uh thei lo uh hi. 44 Amaute’ honlak mahah a omomin ngaihsun uh ahih manin ni khat lam paikhin uh a, tua ciangin a lawmte leh a tanaute lak khawng a zong pan uh hi. 45 Amah a muh zawh loh uh ciangin Jerusalem-ah kileh kikin a zong uh hi. 46 A ciahzawh uh a ni thum ni ciangin biakinn sungah amah mu uh a, siate lakah tu-in a thugen uh ngai-in, thu zong dong zelin a om a mu uh hi. 47 Amah in pilna tawh thu genin a dawn’na a za mite khempeuh in lamdangsa mahmah uh hi. 48 A nu leh a pa in a muh uh ciangin lamdangsa uh a, a nu in, “Ka ta aw, bang hangin hong hici bawl na hi hiam? Na pa tawh lungkham mahmahin nang ka hong zong uh hi,” a ci hi. (Luke 2:42-48) Tua ciangin Zeisu in, “Ahi zongin, tu-in ahih leh, sumbawm ahi a, ip ahi zongin a neite in keng un la, namsau a nei lo peuhmah in na puansilh uh zuak un la khat lei un. 37 Bang hangin hih bangin hong gen ka hi hiam cih leh, Lai Siangtho in, ‘Mawhneite lakah amah kihel sak hi,’ ci-in keima thu a genna pen hong tung ding hi,” a ci hi. 38 Amaute in, “Topa aw, en in; hih lai-ah namsau nih om hi,” ci-in a gen uh ciangin Zeisu in, “Tua ahih leh phazo hi,” ci-in a dawng hi. (Luke 22:36-38) Inn khat peuhpeuh in ahi a, khua khat peuhpeuh in ahi zongin note hong tun’ saknop kei a, na thugen uh hong ngaihnop kei leh tua lai panin paikhia un la, na khe uha leivui bangte sin’khiat un. (Matthew 10:14) Zeisu in, “Nangmah in kei hong zui in la, misi bang ahi mite in misite a vui dingun nusiat in,” ci-in a dawng hi. (Matthew 8:28) Tua ciangin Zeisu in ama kiangah, “Hih thupiang kuama kiangah gen masa loin siampipa kiangah va paisuak pahin va kivel sak in la, na damkhitna thu mi khempeuh in a theihna dingin Moses thupiakna tawh kizui-in biakna va pia in,” ci-in a vaikhak hi. (Matthew 8:4) Tua ciangin Zeisu in ama kiangah, “Hih thu kuamah dang kiangah gen kei in. Siampipa kiangah paisuakpah in la kivel sak in. Tua ciangin na damna thu a kilatna dingin Moses thupiak mah bangin biakna pia in,” ci-in thu a pia hi. (Luke 5:14) Numeino zong thakhatin tho-in lam a paipah hi. (Amah kum sawmlenih pha ta hi.) Tua ciangin amaute in lamdangsa mahmah uh hi. 43 Hih thu, kuama kiangah a gen lohna dingun Zeisu in nakpi takin amaute kham a, tua ciangin, “Numeino an pia un,” ci-in a sawl hi. (Mark 5:42, 43) Numeino’ nu leh pa in lamdangsa mahmah uh a, ahi zongin hih thupiangte kuama kiangah a gen lohna dingun Zeisu in a kham hi. (Luke 8:56) Tua ciangin amaute in khua mukik uh a, Zeisu in amaute gel kiangah, “Hih thupiang kuamah thei sak kei un,” ci-in khauh takin a gen hi. (Matthew 9:30) Zeisu in ama nu leh a it a nungzuipa a dingkhawm a muh ciangin a nu kiangah, “Nu aw, tua lai-ah na tapa om hi,” a ci hi. 27 Tua ciangin a nungzuipa kiangah, “Na nu tua lai-ah om hi,” a ci leuleu hi. Tua ahih manin tua huna kipanin nungzuipa in ama inn-ah Zeisu’ nu Mary a kem hi. (Johan 19:26, 27) Tua ciangin Zeisu in, “Nu aw, bang hangin na lunghihmawhna hong ko zenzen na hi hiam? Keima hun tung nai lo hi,” ci-in a dawng hi. (Johan 2:4) Ahi zongin Zeisu in, “Kei-a’ dingin pai ding a hunhoih hi nai lo hi; ahi zongin note-a’ dingin a hunhoih hi tawntung hi. 7 Leitung mite’ gamtatnate hoih lo hi, ci-in gen tawntung ka hih manin amaute in kei hong mudah uh hi; ahi zongin note hong mudah lo uh hi. 8 Tua ahih manin pawisiim dingin note va pai un. Kei-a’ dingin a hunhoih hi nai lo ahih manin kei ka hong pai kei ding hi,” ci-in dawng a, 9 amah pai loin Galilee gamsung mahah a omlai hi. (Johan 7:6-9) Pa kiang panin hong pai-in leitung a hong tung ka hi a, tu-in leitung nusia leuleu-in Pa kiang a zuankik ding ka hi hi,” a ci hi. (Johan 16:28) |
Lai Siangtho sung aa Thulela tampite thei semsem lehang, kipicing semsem hi.
Leitung aa thupiang tuamtuamte le ei tung aa hong tung thu tampite kawmkal ah
Pasian Thu in lungkimtak le kizotakin nuntak theihna hong pia hi.
Lungdam Mahmah Hi.
Pa Lian Than Tuang (LT Tuang)
