Tua ciangin Zeisu in, “Keimah in a sisa mite tho sakin a hing sak theipa ka hi hi. Kei hong um mi peuhmah a sih hangin nungta ding hi. (Johan 11:25)
Thakhatin zin nakpi takin hong ling hi. Topa’ vantung mi khat, vantung panin hong paisuk a, han hukna suang a likkhiat khit ciangin a tungah a tu hi. (Matthew 28:2, Mark 16:3-5, Johan 20:12, 13)
Tua zawh nipikal khat ciangin nungzuite zong innsung khatah kikhawm leuleu uh a, tua hunin Thomas zong a om hi. Amaute kong kikhaknelh uh hinapi-in Zeisu hong pai-in amaute lakah hong ding a, “Nopna ngah ta un,” ci-in a hopih khit ciangin 27 Thomas kiangah, “Na khutme tawh hong lawng in la ka khutte en in. Na khut zan in la ka pangpi zong lawng in. Umlah nawn kei in la, um taktak in,” a ci hi. (Johan 20:26, 27)
Bang hang hiam cih leh Adam tawh a kizop manin mi khempeuh si a, tua mah bangin Christ tawh a kizom khempeuh zong kihing sak kik ding hi. (Corin Masa 15:22)
Ka khut leh ka khete en un; keimahmah ka hi hi. Hong lawng un la hong thei un. Tu-a keima neih bangin sikha in pum leh tak nei ahi hiam?” a cih khit ciangin 40 a khut leh a khete a lak hi. 41 Amaute nuamlua kisa-in lamdangsa-in um zolo phialin a om laitakun, “Nektheih khat peuhpeuh na nei uh hiam?” ci-in a dot ciangin 42 amaute in zong ngasa haan’keu khat pia uh a, 43 Zeisu in saangin amaute’ muhin a ne hi. (Luke 24:39-43)
