Amah milian hi ding a, A Lianpen Pasian’ Tapa kici ding hi. Topa Pasian in ama pu David mah bangin kumpi-in bawl ding a, 33 Jacob suanlekhakte’ kumpi hi paisuak ding a, ama ukna bei hun cih om ngei lo ding hi,” a ci hi. (Luke 1:32, 33)
Amah in tapa khat hong nei ding a, tua tapa in ama mite a mawhna uh panin honkhia ding ahih manin ama min dingin Zeisu na phuak ding hi,” ci-in thu a gen hi. (Matthew 1:21)
Inn sungah amaute lut uh a, naungek leh a nu Mary a mu uh hi. Amaute khukdin’in tua naungek a biak khit uh ciangin a vanpuakte uh suahkhia uh a, kham, saledi paknamtui, leh myrrh paknamtuite, letsongin a pia uh hi. (Matthew 2:11)
Zintun’na ding mun dang khempeuh mi dim khinta ahih manin ganbukah tung uh a, a tacil ahi ta pasal khat nei-in, puan tawh tunin gan annekna kuang sungah a sial hi. (Luke 2:7)
Naungek a vun a ki-at ni hun nipikal khat a cin’ khit ciangin, amah a kipaii ma-in a min dingin vantung mi in a piaksa ahi Zeisu, a min dingin a phuak uh hi. (Luke 2:21)
Ahi zongin a hun a cin ciangin eite khempeuh Pasian’ tate i suahtheihna dingin Thukham nuai-ah a om mite a hong tankhia dingin Pasian in a Tapa hong pai sak a, tua Tapa pen leitung ngeina bangin numei sung panin hong suakin, Jew Thukham sungah hong nungta hi. (Galatian 4:4, 5)
