Solomon ta Rehoboam, Rehoboam ta Abijah, Abijah ta Asa, (Matthew 1:7)
– Solomon’ suanlekhakte: Rehoboam, a tapa Abijah, a tapa Asa, a tapa Jehoshaphat, (Khang Tangthu Masa 3:10)
– Tua ciangin Rehoboam si a, David’ khuapi sungah kivui hi. Tua ciangin a tapa Abijah in ama tangin a uk hi. (Khang Tangthu Nihna 12:16)
– Tua ciangin Rehoboam si a, David khuapi sungah a pate tawh kivui hi. Ama nu a min Naamah hi a, Ammon mi ahi hi. Tua ciangin ama tangin a tapa Abijam in a uk hi. (Kumpi Masate 14:31)
| Tua bangin kumpipa in mite’ deihna zuilo hi. Bang hang hiam cih leh Topa in Shi loh khuami Ahijah’ tung tawnin Nebat’ tapa Jeroboam’ tungah a gensa thu a tun’ sakna dingin Topa in a pian’ sak thu kiheina ahi hi. (Kumpi Masate 12:15) Tu-in Rehoboam’ gamtatna a omlaite, leh a sep khempeuh, Judah Kumpite’ Khang Tangthu Laibu sungah kigelh hi. 30 Tua ciangin Rehoboam leh Jeroboam’ kikalah galkidona om tawntung hi. (Kumpi Masate 14:29, 30) Ahi zongin kumpi gam khempeuh ka balkhia kei ding hi. Ka nasempa David hang leh ka teelsa Jerusalem hangin na tapa’ tungah minam khat ka pia lai ding hi,” a ci hi. (Kumpi Masate 11:13) Jeroboam hong ciahkik khitna thu Israel-te khempeuh in a zak uh ciangin amaute in mi sawlin kikhopna-ah amah sam sak uh a, Israel-te khempeuh tungah kumpi-in amah a bawl uh hi. David’ suante a zui kuamah dang om lo a, Judah minam bek in a zui uh hi. (Kumpi Masate 12:20) Topa in hih bangin ci hi: “Note na kuanto kei ding uh a, na mipihte uh na sim kei ding uh hi. Mi khempeuh na inn uhah ciahkik un; bang hang hiam cih leh hih thu pen keima kiang pan hong pai ahi hi,” ci-in gen in,’ ” a ci hi. Tua ahih ciangin amaute in Topa’ thu ngai-in ciahkik uh a, Jeroboam a sim dingin kuan lo uh hi. (Khang Tangthu Nihna 11:4) Tua ciangin Kumpi Rehoboam in aana tawh na a kisem sakte a uk nasep ukpa Hadoram Israel-te kiangah sawl a, Israel mite in suang tawh amah na denglum uh hi. Tua ciangin Jerusalem-ah a tai dingin Kumpi Rehoboam a leeng tungah a tuang dingin nawhtat hi. 19 Tua ahih ciangin tuni dongin leilu lama om Israel-te in David innkuan lehdo uh hi. (Khang Tangthu Nihna 10:19) |
