… David ta Solomon, Uriah’ zi Bathsheba tawh a neih pen ahi hi. (Matthew 1:6)
– Solomon’ suanlekhakte: Rehoboam, a tapa Abijah, a tapa Asa, a tapa Jehoshaphat, (Khang Tangthu Masa 3:10)
– Jerusalem panin Israel-te khempeuh tungah Solomon in a uk hun kum sawmli sung ahi hi. 43Tua ciangin Solomon si a, a pa David khuapi sungah kivui hi. Tua ciangin ama tangin a tapa Rehoboam in uk hi. (Kumpi Masate 11:42, 43)
– Tu-in Solomon’ gamtatna a omlaite, a kipatna pan a tawp dong, Kamsang Nathan’ Tangthu sung, leh Shi loh Khua Mi Ahijah’ Thugen Kholhna sung, leh Nebat’ tapa Jeroboam thu tawh kisai-in Thumupa Iddo’ Maangmuhna sungah kigelh hi. 30 Solomon in Jerusalem panin Israel khempeuh tungah kum sawmli sung uk hi. 31 Tua ciangin Solomon si a, a pa David khuapi sungah kivui hi. Tua ciangin a tapa Rehoboam in ama tangin a uk hi. (Khang Tangthu Nihna 9:29-31)
| en in, nangma hong ngetna bangin kong pia ding hi. En in, nangma hun ma-in nang tawh a kibang a om lohna ding leh nangma khitah zong nang tawh a kibang hong khan’ lohna dingin pilna leh theihna lungsim kong pia ding hi. (Kumpi Masate 3:12) Tu-in Solomon’ sep a omlaite, leh a hih khempeuh, leh a pilna, Solomon’ Nasepna Laibu sungah kigelh hi. (Kumpi Masate 11:41) Bang hang hiam cih leh Solomon a teek ciangin a zite in pasian dangte’ lamah ama lungsim heikhia uh a, ama pa David’ lungsim bangin ama lungsim Topa’ tungah thuman bup taktak zo lo hi. (Kumpi Masate 11:4) Ama tungah nihvei kilak khinin, amah in pasian dangte’ nung a zuih lohna ding ama tungah thu a pia khin Topa, Israel Pasian panin a lungsim kiheikhia ahih manin Solomon tungah Topa heh hi. Ahih hangin amah in Topa’ thupiaksa zui tuanlo hi. (Kumpi Masate 11:9, 10) Tua ciangin amah in Jeroboam kiangah, “Nang-a’ dingin bek sawm la in; bang hang hiam cih leh Israel Pasian, Topa in hih bangin ci hi, ‘En in, Solomon’ khut panin kumpi gam a balkhia ding ka hi a, nangma tungah minam sawm kong pia ding hi. (Kumpi Masate 11:31) |
