Tua khit ciangin a sanggampa hong suakkhia a, ama khut in Esau’ khetul len hi. Tua ahih ciangin ama min dingin Jacob kiphuak hi. Amau’ suah ciangin Isaac kum sawmguk a pha hi. (Piancil 25:26)
– Laban in, “A u’ ma-in a nauzaw piak ding ko’ gamah ngeina hilo hi. 27 Hih nu-a’ dingin nipikal khat sung pawi bei sak phot in la, adang kum sagih ka na nong sep sak thamanin a khat pen zong kong pia ding hi,” a ci hi. 28 Jacob zong tua bangmahin gamta a, tuanu’ pawi hun sung bei sak phot hi. Tua ciangin Laban in a tanu Rachel zong a zi dingin a pia hi. 29 (Laban in ama nasem numei Bilhah a tanu Rachel’ tungah a nasem numei dingin a pia hi.) 30 Tua ahih ciangin Jacob in Rachel zong luppih a, amah in Leah sangin Rachel itzaw hi. Laban’ na adang kum sagih sung a semlai hi. (Piancil 29:26-30)
– Topa in Leah a kimuhdahna a theih ciangin, amah in a naubu hon’ sak hi; ahih hangin Rachel ciing hi. (Piancil 29:31)
– Amah gai leuleu-in tapa khat nei a, “Tuhunin Topa ka phat ding hi,” ci hi. Tua ahih ciangin amah in a min Judah a phuak hi. Tua ciangin a ta neih a tawp hi. (Piancil 29:35) Jacob le Leah ii tate; Reuben, Simeon, Levi le Judah, (Piancil 30:18) cihte ahi hi. (Piancil 29:32-35)
– Jacob in a zi; Leah le Rachel tawh baan ah a zite ii piak a nasemte tawh a ngah ta dang zongh nei hi. (Piancil 30:3-24)
– Tua ciangin Pasian in Rachel phawk a, Pasian in ama thu ngai-in a naubu hon’ sak hi. 23 Amah gai-in tapa khat nei a, “Pasian in kei hong kikona teng lakhia khinta hi,” a ci hi. 24 Amah in a min Joseph phuak a, “Topa in tapa khat hong pia beh hen!” a ci hi. (Piancil 30:22-24)
– Tua ciangin Bethel panin amaute dingkhia uh a, Efrath panin a gamla sim lai mun a tun’ laitakun Rachel a nausuah hun tung a, amah nakpi takin a gim hi. 17 Amah a gim mahmah laitakin naudomnu in ama kiangah, “Lunghimawh kei in. Tu-in tapa dang khat na nei ding hi,” a ci hi. 18 Amah a bei laitakin amah in a min dingin Benoni, a ci hi. Ahih hangin a pa in ama min Benjamin, ci-in a phuak hi. (Piancil 35:16-18)
– Tua gamah Israel a ten’ laitakin Reuben in a pa’ zineu Bilhah luppih hi. Israel in tua thu za-in heh mahmah hi. Tu-in Jacob’ tapate, sawmlenih ahi hi. (Piancil 35:22)
– Tua ciangin Jacob in a tate thuhilhin amaute kiangah, “Kei, ka mipihte kiangah a kigawm ding ka hita hi. Kivuina ding munin neih dingin Abraham in Hit mi Efron’ tung panin a lo tawh a leikhop, Canaan gam, Mamre nisuahna lamah a om Makpelah lo-a leihawm, Hit mi Efron’ lo-a leihawm han sungah ka pate tawh hong vuikhawm un. 32 Lo leh tua sunga om leihawm Hit mite’ tung panin a kilei ahi hi,” a ci hi. 33 Jacob in a tapate thuhilh a man khit ciangin, a lupna tungah lai-tat a, a nunung pen a hu sang-in ama mipihte kiang a zuan ta hi. (Piancil 49:29,30,32,33)
| Jacob in, “Na innluahza hong pia lecin ka meh kong pia ding hi,” na ci hi. 32 Esau in, “A si ding ka hita hi; kei-a’ dingin innluahza bangin kimang ding ahi hiam?” a ci hi. (Piancil 25:31,32) Esau in, “Amah Jacob kici mah hilo ahi hiam? Amah in kei nihvei hong suankhia khin hi. Amah in ka innluahza hong sut hi. En in, tu-in amah in ka thupha hong sut leuleu hi,” a ci hi. Tua ciangin amah in, “Kei-a’ dingin thupha sitlo na hi hiam?” a ci hi. (Piancil 27:36) Jacob in a pa kiangah, “Na ta upa zaw Esau ka hi hi. Nong gen bangin ka hih khin hi. Kei thupha nong piak theihna dingin tu-in tuto in la ka sa matsa ne in,” a ci hi. (Piancil 27:19) A zingsang ciangin, Leah na hi mawk hi. Jacob in Laban kiangah, “Bangci-a kei hong hici bawl na hi hiam? Rachel ngahna dingin na na hong sem hilo ka hi hiam? Tua ahih leh bang hangin kei hong khem na hi hiam?” a ci hi. (Piancil 29:25) |
Note:
– Jacob ii tapa Joseph, Benjamin, Levi cihte leh a sanggam dangte ii khangguite I gensuk nawnkei ding hi. Banghang hiam cih leh amaute ii khanggui zangh in Zeisu Christ leitung ah hong suak lo hi. (Piancil 46:8-26)
– Jacob in a ngaih taktak loh Leah tawh a ngah a tapa lina ahi, Judah khanggui I suutsuk ding hi. Banghang hiam cih leh Judah ii khanggui zangh in Zeisu Christ leitung ah hong suak ahih man hi.
