Terah kum sawmsagih a phak khit ciangin amah in Abram, Nahor, leh Haran a nei hi. (Piancil 11:26)
Tu-in Terah’ suanlekhakte hih bang ahi hi. Terah pen Abram, Nahor, leh Haran’ pa hi a, Haran pen Lot’ pa ahi hi. (Piancil 11:27)
– Abram leh Nahor in zi nei uh hi. Abram’ zi min Sarai hi a, Nahor’ zi min Milkah hi a, Milkah pen Iskah’ pa Haran’ tanu ahi hi. 30 Tu-in Sarai ciing a, ta nei lo hi. (Piancil 11:29,30)
– Abraham in Keturah min nei zi dang khat la hi. 2 Amah in tuanu tawh ta Zimran, Jokshan, Medan, Midian, Ishbak, leh Shuah nei hi. (Piancil 25:1, 2)
– Hagar in Abram tawh tapa khat nei hi. Abram in Hagar’ sung panin a suak ama tapa’ min dingin Ishmael a phuak hi. 16 Hagar in Abram tawh a neih Ishmael a suah ciangin Abram kum sawmgiatleguk a pha ta hi. (Piancil 16:15,16)
– Sarah gai a, ama tunga Pasian in a gensa hunin a teek zawhin Abraham tawh tapa khat nei hi. 3 Abraham in Sarah tawh a neih ama tapa’ min dingin Isaac a phuak hi. 5 A tapa Isaac a suah ciangin Abraham kum za pha hi. (Piancil 21:2,3,5)
– Sarah kum za leh kum sawmnihlesagih nungta a, 2 Canaan mite’ gamsung Kiriatharba (Hebron)-ah a si hi. Abraham dahin kap a, a vuina ding vaihawm hi. (Piancil 23:1,2)
– Abraham, kum za leh kum sawmsagihlenga a phak ciangin, 8 a hu tawpna sang a, a teek, kum tampi a pha, a khanghamin si a, ama mite tawh kivui khawm hi. (Piancil 25:7,8)
– Ama tapa Isaac leh Ishmael in, Abraham in Hit mite’ tung panin a lei, Mamre nisuahna lamah a om, Hit mi Zohar’ tapa Efron’ lo sung, Makpelah leihawm sungah amah a vui uh hi. Tua lai munah a zi Sarah kiangah Abraham kivui hi. (Piancil 25:9,10)
| Na min Abram hi nawn lo ding a, Abraham hi ding hi. Bang hang hiam cih leh minam honpite’ pa-in nang kong bawl khin hi. (Piancil 17:5, Nehemiah 9:7) Abraham in a zi Sarah pen, “Ka sanggamnu hi,” ci hi. Gerar kumpipa Abimelek in mi sawlin Sarah sam sak hi. (Piancil 20:2) Nang pen ka sanggamnu ci lehang, nangma hangin kei-a’ dingin thu hong hoihzaw ding a, nangma hangin ka suakta thei khading hi,” a ci hi. 14 Egypt gam sungah Abram a tun’ ciangin Egypt mite in tua nupi a mel hoihsa mahmah uh hi. 15 Faro’ uliante in amah a muh uh ciangin Faro’ kiangah amah phat uh hi. Faro’ inn sungah tua nupi kila hi. (Piancil 12:13-15) Lai Siangtho in, “Abraham in Pasian um a, a upna hangin Pasian in mihoihin a sang hi,” ci-in a genna thumanin tung takpi a, Abraham pen Pasian’ lawmpa kici hi. (James 2:25, Isaiah 41:8) Tua ahih manin Abraham’ suanlekhakte khempeuh tungah Pasian’ hehpihna piakkhong a suahtheihna dingin Thukham a zuite bek in ngah loin, Abraham’ up bangin a umte in zong a ngahtheihna dingun upna bulphuhin thuciamna kipia hi. Bang hang hiam cih leh Abraham pen kha thu lamah eite khempeuh’ pupi ahi hi. (Rom 4:22) |
Note:
– Pasian in Abraham tungah tapa khat neih ding a kamciam lai-in Ishmael ii nu Hagai tawh neih ding hilo aa Sarah tawh neih ding ahi hi. (Piancil 18:10)
– Abraham ii tapa Ishmael ii khangguite i gensuk nawnkei ding hi. Banghang hiam cih Ishmael ii khanggui zangh in Zeisu Christ leitung ah hong suak lo hi. (Piancil 25:12-18)
– Isaac ii khanggui I suutsuk ding hi. Banghang hiam cih leh Jacob ii khanggui zangh in Zeisu Christ leitung ah hong suak ahih man hi.
