Asa ta Jehoshaphat,… (Matthew 1:8)
Tua ciangin Asa si a, a pupi David khuapi sungah a pate tawh kivui hi. Tua ciangin ama tangin a tapa Jehoshaphat in a uk hi. (Kumpi Masate 15:24)
Israel kumpi Ahab’ kum lina kumin Asa’ tapa Jehoshaphat in Judah gamah uk ding kipan hi. (Kumpi Masate 22:41)
Tua ciangin a tapa Jehoshaphat in ama tangin uk a, Israel langpangin amahmah kithakhauh sak hi. (Khang Tangthu Nihna 17:14)
– Gam uk dingin a kipatin Jehoshaphat kum sawmthumlenga pha a, Jerusalem-ah kum sawmnihlenga sung uk hi. Ama nu’ min Azubah hi a, Shilhi’ tanu ahi hi. (Kumpi Masate 22:42)
– Amah in a pa Asa’ khekhap tawn a, tua lampi panin pialloin, Topa’ muhna-ah a manin gamta hi. Ahi zongin mualtunga biaknate kilakhia lo a, mite in tuate tungah biakna pia lai-in paknamtui hal uh hi. 44 Jehoshaphat in Israel kumpipa tawh zong kilemna a bawl hi. (Kumpi Masate 22:43, 44)
– A pa Asa’ hun lai-in a omlai pasal paktat pawlte amah in gamsung panin bei sak hi. (Kumpi Masa 22:46)
– Amah in a pa’ gamtat masate zui ahih manin Jehoshaphat tawh Topa om hi. Amah in Baal-te bialo hi. (Khang Tangthu Nihna 17:3, 20:32)
– Tua ciangin Jehoshaphat si a, David khuapi Jerusalem-ah a pate tawh kivui hi. Tua ciangin ama tangin a tapa Jehoram in a uk hi. (Kumpi Masate 22:50)
– Jehoshaphat si a, David khuapi sungah a pate tawh kivui hi. Tua ciangin a tapa Jehoram in ama tangin uk hi. (Khang Tangthu Nihna 21:1)
| Minam dang khempeuh kaikhawmin Jehoshaphat Kuam-ah ka paipih ding hi. Ka mihingte tungah a bawlnasa uh hangin tua munah amaute thu ka khen ding hi. Amaute in Israel mite, gamdangah thehthang uh a, ka gamsung teng phelhawm mangkhin uh hi. (Joel 3:4) Kum thum sung Syria leh Israel gal kido loin om uh hi. 2Ahih hangin a kum thumna kumin Israel kumpi Ahab kiangah Judah kumpi Jehoshaphat va paisuk hi. (Kumpi Masate 22:1, 2) Tua ciangin amah in Jehoshaphat kiangah, “Ramothgilead-ah galsim dingin kei nong zui ding hiam?” a ci hi. Jehoshaphat in Israel kumpipa kiangah, “Kei-a kipan ka mite leh ka sakolte nangma-a’ ka hi uh hi,” a ci hi. (Kumpi Masate 22:4) Tua ciangin Jehoshaphat in Israel kumpipa kiangah, “Topa thu dong masa in,” a ci hi. (Kumpi Masate 22:5) Edom-ah kumpi om lo a, Judah kumpipa’ khutnuai-a a huhpa khat in uk hi. (Kumpi Masate 22:47) Tua ciangin Jehoshaphat lau a, amahmah in Topa’ lamlahna ding zong a, Judah gam khempeuhah an tan’ ding thu a za sak hi. (Khang Tangthu Nihna 20:3) Jehoshaphat in kham zongin Ofir-ah a pai dingin Tarshish teembawte bawl hi. Ahih hangin Eziongeber-ah teembawte sia ahih manin amaute pailo uh hi. 49 Tua ciangin Ahab’ tapa Ahaziah in Jehoshaphat kiangah, “Teembawte sungah nangma nasemte tawh keima nasemte paikhawm sak in,” a ci hi. Ahih hangin Jehoshaphat utlo hi. (Kumpi Masate 22:48, 49) Tu-in Jehoshaphat’ gamtatna a omlaite, amah in a lah a thahatna, leh amah in a galdona, Judah Kumpite’ Khang Tangthu Laibu sungah kigelh hi. (Kumpi Masate 22:45, Khang Tangthu Nihna 20:34) |
