Amah gai leuleu-in tapa khat nei a, “Tuhunin Topa ka phat ding hi,” ci hi. Tua ahih ciangin amah in a min Judah a phuak hi. Tua ciangin a ta neih a tawp hi. (Piancil 29:35)
– Judah’ tapate: Er, Onan, Shelah, Perez, leh Zerah ahi hi. (Ahih hangin Er leh Onan Canaan gamah si hi.) Perez’ tapate: Hezron leh Hamul ahi hi. (Piancil 46:12)
– Judah ii tate lak pan Perez tungtawnin Zeisu Christ hong suak hi.
| Tua ciangin Judah in a sanggamte kiangah, “I sanggampa thatin amah i thahna im lehang bang metna om ahi hiam? 27 Hong pai un, Ishmael mite kiangah amah zuak ni. Amah bangmah cih kei ni. Bang hang hiam cih leh amah i sanggampa, eima cilesa ahi hi,” a ci hi. A sanggamte in ama thu mang hi. (Piancil 37:26, 27) Jacob in ama mai Goshen-ah amah lam a lak dingin Joseph kiangah Judah ma sawl hi. Amaute Goshen gamah hong pai uh hi. (Piancil 46:28) Lampi gei-a tuanu’ kiangah amah pai a, “Hong pai in, lumkhawm ni,” a ci hi. Bang hang hiam cih leh tuanu pen a monu ahihlam thei lo hi. Tuanu in, “I lupkhop man dingin kei bang hong pia ding na hi hiam?” na ci hi. (Piancil 38:16) Tua ciangin Judah in tua nate thei a, “Ka tapa Shelah tawh gawm lo ka hih ciangin, tua numei, kei sangin thuman zaw hi,” a ci hi. Tuanu tawh amah lumkhawm kik nawn lo hi. (Piancil 38:26) |
