David pen Judah gam Bethlehem khua-a om Efrathah mi, tapa giat a nei Jessi min a neipa’ tapa ahi hi. Saul’ hun lai-in tua mipa teek zo-in kum tampi pha ta hi. (Samuel Masa 17:12)
Saul in ama kiangah, “Tangvalpa aw, kua’ tapa na hi hiam?” a ci hi. David in dawngin, “Bethlehem khuami na nasempa Jessi’ tapa ka hi hi,” a ci hi. (Samuel Masa 17:58)
– David sung panin Hebron-ah a piang tapate: Jezreel mi Ahinoam tawh a neih a tacil Ammon, Karmel numei Abigail tawh a neih a nihna Daniel, 2 Geshur kumpipa Talmai’ tanu, a nu Maakah ahi a thumna Absalom, a nu Haggith ahi a lina Adonijah, 3 Abital tawh a neih a ngana Shefatiah, a zi Eglah tawh a neih a gukna Ithream hi a, 4 amah in kum sagih leh kha guk sung a ukna Hebron-ah ama sung panin guk suak hi. Tua ciangin amah in Jerusalem-ah kum sawmthumlethum sung uk hi. 5 Ama sung panin Jerusalem-ah a suakte: Shimea, Shobab, Nathan, leh Solomon hi a, Ammiel’ tanu Bathsheba tawh a neih li pha hi. 6 Tua ciangin Ibhar, Elishua, Elpelet, 7 Nogah, Nefeg, Jafia, 8 Elishama, Eliada, leh Elifelet, kua pha uh hi. 9 Hihte pen a zineute’ tapate sim loin, David’ tapate ahi hi. Tamar a kici tanu khat zong amah in neilai hi. (Khang Tangthu Masa 3:1-9)
– (A tangek si) A ni sagih ni-in naungek si hi. Ama kiangah, naungek si hi, ci-in a gen ding uh David’ nasemte lau uh hi. Bang hang hiam cih leh amaute in, “Naungek a hin’lai nangawnin amah i hopih hangin i thu hong ngailo hi. Tua ahih ciangin bangci-in ama kiangah, naungek si, ci ngam ding ihi hiam? Amahmah kisusia khading hi,” a ci uh hi. (Samuel Nihna 12:18)
– (A ta khanglai in langpan aa si) Tua ciangin kumpipa’ lungsim nakpi takin sukha a, kulhkongpi tunga inndei sungah paito-in a kap hi. A paikawmin amah in, “Aw ka tapa Absalom, ka tapa, ka tapa Absalom! Nangma tangin kei sizaw taleng. Aw Absalom, ka tapa, ka tapa!” a ci hi. (Samuel Nihna 18:33)
– Tua ciangin David si a, David khuapi sungah kivui hi. 11Israel-te tungah David in kum sawmli sung uk hi. Amah in Hebron-ah kum sagih sung ukin, Jerusalem-ah kum sawmthum leh kum thum sung uk hi. (Kumpi Masate 2:10, 11)
| Tua ahih ciangin David in suanglotna khat leh suangtang khat tawh Filistia-pa zo-in a that hi. David’ khutsungah namsau om lo hi. (Samuel Masa 17:55) Tua khit ciangin amah in Saul’ puanmong a atkhiat manin David a lungsim nuamthei nawn lo hi. (Samuel 24:21) Tua ciangin Saul’ tapa Jonathan dingin David kiang Horesh-ah pai a, Pasian in hong huh ding hi, ci-in amah a hanthawn hi. 17 Amah in David kiangah, “Lau kei in; bang hang hiam cih leh ka pa Saul in nang hong sukhalo ding hi. Nang pen Israel-te tungah kumpi na hi ding a, kei pen nangma zom ka hi ding hi; ka pa Saul in zong hih thu thei hi,” a ci hi. 18 Tua ciangin amaute gel in Topa’ mai-ah thuciamna bawl uh hi. Horesh-ah David om lai-in, Jonathan a inn-ah a ciah hi. (Samuel Masa 23:16-19) Tua ciangin kumpipa in, “Pasian’ tungah ka ciamsa bangin migitna ka lahtheihna ding Saul’ innkuan-ah mi khat beek omlai lo ahi hiam?” a ci hi. Ziba in kumpipa kiangah, “Jonathan’ tapa khat omlai hi; amah a khe zaw hi,” a ci hi. (Samuel Nihna 9:3) Tua ahih ciangin David in kamtaite sawlin tuanu sam sak hi. Tuanu ama kiangah hong pai a, amah in tuanu luppih hi. (Tuanu a khasim nitna panin a kisian’suah tung ahi hi.) Tua ciangin ama inn-ah a ciah hi. (Samuel Nihna 11:21) A lai sungah, “Galsim a haksatna penah a madawkin Uriah koih in la, amah kivat tukin a sihtheihna dingin ama kiang panin nungkik un,” ci-in a gelh hi. (Samuel 11:15) |
