Corin Masa 10:4
a vekpi mahun kha tawh kisai tui na dawn uh hi. Bang hang hiam cih leh amaute a tonpih, kha tawh kisai suangpi panin tui na dawn uh a, tua suangpi pen Christ ahi hi.
Colosian 1:15
Christ pen a kimu thei lo Pasian’ lim hi a, a kipiang sak khempeuh lakah tapa upa pen ahi hi.
Galatian 3:16
Tu-in Pasian in Abraham leh ama suanpa tungah thuciamna nei hi. Lai Siangtho sungah a kigelhna-ah, mi tampi a cihnopna ahi, “Na suan leh na khakte,” cih kammal na zanglo a, mi khat bek ahi Christ a cihnopna-in, “Na suanpa,” ci-in na gen hi.
Piancil 3:15
Nang leh numei kikal na suanlekhakte leh ama suanlekhakte kikalah kilangneihna ka om sak ding hi. Amah in na lutang hong sunim ding a, nang in ama khetul na sunim ding hi,” a ci hi.
Piancil 3:21
Topa Pasian in mipa leh a zi-a’ dingin savun puan bawl a, amaute silh sak hi.
Isaiah 61:10
Topa’ hangin nakpi takin ka lungdam ding a, ka Pasian’ hangin kipakin ka diang ding hi. Bang hang hiam cih leh zipipa puanhoih tawh kizemin, mothaknu a suangmanphate tawh a kizep mah bangin amah in hotkhiatna puan kei hong silh sakin, thumanna puanpi tawh kei hong tuam khin hi.
John 1:18
Kuamah in Pasian mu ngei lo hi. Pasian tawh a kinai pen, Pasian mah ahi Tapa khat bek in Pasian hong kilang sak hi.
John 12:41
Isaiah in Zeisu’ neih Pasian’ pianzia mu ahih manin hih bangin thu a gen ahi hi.
John 8:56–58
Note’ pupi Abraham in keima hun a tun’ding lawp mahmah a, amah in tua hun mu-in nuam mahmah hi,” ci-in a dawng hi. 57 Tua ciangin amaute in, “Nang pen kum sawmnga zong pha nai lo na hih manin Abraham mu ding na hi hiam?” a cih uh leh 58 Zeisu in, “A taktakin ci lehang, Abraham a pian’ ma-in kei ka omkhin hi,” ci-in a dawng hi.
John 17:6
Pa aw, leitung a kipian’ sak ma-in nang tawh i neihkhawm na pianzia mah tu-in nangma omna munah hong pia ta in.
Luke 24:27
Tua ciangin Zeisu in Lai Siangtho sungah ama thu a kigennate khempeuh, Moses laibu-a kipanin kamsangte’ laibu khempeuh a khiatna a gen hi.
Note:
– Daniel ii lawm 3 teng mei ah a kikhul lai in mi 4 pha uh hi. Lai Siangtho in tua a 1 pen Zeisu hi a cihna lian om lo ahih manin hih sungah kigelh lo hi. Lai Siangtho siam tampite in tua a 1 pen Zeisu hi ci-in zongh gen uh hi.
– Abraham kiang ah a hawh mi 3 te lak pan 1 pen Zeisu hi a cihna lian om lo ahih manin hih sung ah kigelh lo hi. Tua 3 lak ah 1 pen Zeisu hi ci-in Lai Siangtho siam tampite in gen uh hi.
– Abraham tawh a kimu Melchizedek pen Zeisu hi ci-in Lai Siangtho siam tampite in gen uh hi. Hihte pen Topa Zeisu, leitung ah mihing bangin hong suakma aa thupiang vive ahi hi.
