Tua bangin a pai laitakun Sairin khuami Simon kici mi khat tawh kituak uh a, amah lammatin Zeisu’ singlamteh a pua sak uh hi. (Matthew 27:32, Mark 15:21, Luke 23:26)
Sun nai sawmlenih huna kipanin nitak nai thum dong, nai thum sung, tua gamsung khempeuhah khim a zing hi. 46 Nitak nai thum hun pawl laitakin Zeisu nakpi takin kiko a, “Ka Pasian, ka Pasian, bang hangin kei hong nusia na hi hiam?” a cihna ahi, “Eloi, Eloi, lama sabakthani,” a ci hi. (Matthew 27:45, 46)
Tua ciangin sunkim nai sawmlenih laitaka kipanin nai thum sung leitung khempeuhah khim a zing hi. 34 Nitak nai thum laitakin Zeisu nakpi takin kiko a, “Ka Pasian, ka Pasian aw, bang hangin kei hong nusia na hi hiam?” a cihna ahi, “Eloi, Eloi, lama sabakthani?” a ci hi. (Mark 15:33, 34)
Christ pen mawhna a nei het lo hi a, mite’ mawhna a lakhia dingin Christ hong kilang ahihna thu na thei uh hi. (Johan Masa 3:5)
Zeisu in tua leenggahzu-hau ciamin, “Man khinta hi,” a cih khit ciangin a lu puksukin a si ta hi. (Johan 19:30)
Amah in mawhna bawl lo, zuau gen ngei lo napi-in, amaute in migilote tawh sihna a kibang, mihaute tawh hankhuk a kibang a bawl sak uh hi,” a ci uh hi. (Isaiah 53:9)
A nitak ciangin Arimathea khuami, Zeisu thu a um, mihau ahi Joseph a kici mi khat, 58 Pilat kiangah va pai-in Zeisu’ luang a va ngen hi. Pilat in Joseph’ ngetna bangin Zeisu’ luang a kipiakna dingin thu a pia hi. 59 Joseph in zong Zeisu’ luang la-in, dialpuan thak tawh a tun khit ciangin, 60suang a kikhuak thak ahi ama hankhuk sungah a vui hi. Tua ciangin suangtum lianpi khat hualin a han kongvang hucipin a ciah hi. (Matthew 27:57-60)
Tua laitakin biakinn sung deina puan, a lu panin a taw dongin kikekin phelnih a suak hi. Zin zong lingin suangtumpite kitam hi. (Matthew 27:51, Mark 15:38)
